Monday , September 24 2018
ಕೇಳ್ರಪ್ಪೋ ಕೇಳಿ
Home / Earth / cc tvಯಲ್ಲಿ ಸೆರೆಸಿಕ್ಕ ಸಿಂಹಗಳು ; ಹಳ್ಳಿಯೊಂದರಲ್ಲಿ ರಾತ್ರಿಯಿಡೀ ಓಡಾಟ..!

cc tvಯಲ್ಲಿ ಸೆರೆಸಿಕ್ಕ ಸಿಂಹಗಳು ; ಹಳ್ಳಿಯೊಂದರಲ್ಲಿ ರಾತ್ರಿಯಿಡೀ ಓಡಾಟ..!

ವಡೋದರ : ಗುಜರಾತ್​ನ ಗಿರ್ ವನ್ಯಧಾಮ ಸಿಂಹಗಳಿಗೆ ಬಹಳ ಪ್ರಸಿದ್ಧ. ಆದರೆ ಅರಣ್ಯ ನಾಶದಿಂದಾಗಿ ಈಗ ಇಲ್ಲಿ ಕಾಡು ಪ್ರಾಣಿಗಳಿಗೆ ಆಹಾರ ಸಿಗದಂತಹ ಸ್ಥಿತಿ ಇದೆ. ಜನರು ಸೌದೆಗೆಂದು ಕಾಡುಗಳನ್ನು ಕಡಿಯುತ್ತಿದ್ದಾರೆ. ಗುಡ್ಡಕ್ಕೆ ಬೆಂಕಿಯಿಟ್ಟು ಗಿಡಗಳನ್ನು ಹಾಳು ಮಾಡುತ್ತಿದ್ದಾರೆ. ಹೀಗಾಗಿ ಕಾಡುಪ್ರಾಣಿಗಳು ನಾಡಿಗೆ ಬರುವುದು ಹೆಚ್ಚಾಗಿದೆ. ಗಿರ್ ಅರಣ್ಯಧಾಮದ ತಪ್ಪಲಲ್ಲೇ ವಾಸಿಸುವ ಹಲವಾರು ಕುಟುಂಬಗಳು ದಿನನಿತ್ಯವೂ ಕಾಡುಪ್ರಾಣಿಗಳ ಯಾವಾಗ ದಾಳಇ ಮಾಡುತ್ತವೆಯೋ ಎಂಬ ಆತಂಕದಲ್ಲೇ ಬದುಕಬೇಕಾಗಿದೆ. ಯಾಕೆಂದರೆ ಪ್ರತಿನಿತ್ಯವೂ ಒಂದಿಲ್ಲೊಂದು ಪ್ರಾಣಿಯಾದರೂ ಗ್ರಾಮಕ್ಕೆ ಬಂದೇ ಬರುತ್ತದೆ. ಈ ಕಾರಣದಿಂದಾಗಿ ಜನ ಮನೆಯಿಂದ ಹೊರ ಬರಲು ಹೆದರುತ್ತಿದ್ದಾರೆ.

ನಡುರಾತ್ರಿ ಸಿಂಹಗಳ ವಾಕಿಂಗ್..! : ನಿನ್ನೆ ರಾತ್ರಿ 12 ಸಿಂಹಗಳು ಇಲ್ಲಿನ ಅಮ್ರೇಲಿ ಜಿಲ್ಲೆಯ ರಾಂಪುರ ಗ್ರಾಮದಲ್ಲಿ ರಾತ್ರಿಯಿಡೀ ಓಡಾಡಿವೆ. ಈ ದೃಶ್ಯಾವಳಿಗಳು ಸಿಸಿಟಿವಿಯಲ್ಲಿ ಸೆರೆಯಾಗಿವೆ. ಆದರೆ ಅದೃಷ್ಟವಶಾತ್ ಈ ಸಿಂಹಗಳು ಯಾವುದೇ ಹಾನಿ ಮಾಡದೆ ಮತ್ತೆ ಗಿರ್ ವನ್ಯಧಾಮಕ್ಕೆ ವಾಪಸಾಗಿವೆ. ಈ ಸಿಂಹಗಳು ಜಾನುವಾರುಗಳನ್ನು ಹುಡುಕಿಕೊಂಡು ಗ್ರಾಮಕ್ಕೆ ಬಂದಿವೆ ಅಂತ ಹೇಳುತ್ತಾರೆ. ಇಲ್ಲಿನ ಅರಣ್ಯಾಧಿಕಾರಿಗಳು. ಏಷ್ಯಿಯಾಟಿಕ್ ಸಿಂಹಗಳಿಗೆ 1,400 ಚ. ಕಿ.ಮೀ ವ್ಯಾಪ್ತಿಯ ಗಿರ್ ವನ್ಯಧಾಮವೊಂದೇ ಆವಾಸ ಸ್ಥಾನವಾಗಿದೆ. ಏಷ್ಯಿಯಾಟಿಕ್ ಸಿಂಹಗಳು ಆಫ್ರಿಕಾ ಸಿಂಹಗಳಿಗಿಂತ ಭಿನ್ನವಾಗಿವೆ. ನಮ್ಮ ದೇಶದಲ್ಲಿ ಕಂಡುಬರುವುದು ಏಷಿಯಾಟಿಕ್ ಸಿಂಹ ಮಾತ್ರ. ಈ ಸಿಂಹಗಳು ಗ್ರೀಕ್, ರೋಮ್, ಪಶ್ಚಿ ಏಷ್ಯಾದ ಕೆಲ ಭಾಗಗಳಲ್ಲಿ ಮಾತ್ರ ಕಾಣಸಿಗುತ್ತಿದ್ದವು. ಆದರೆ ಈಗ ಗುಜರಾತ್​​ನ ಗಿರ್ ಅರಣ್ಯದಲ್ಲಿ ಮಾತ್ರವೇ ಕಾಣಬಹುದು.

About sudina

Check Also

ಸೋಲಾರ್ ಬೇಲಿಗೆ ಸಿಲುಕಿ ಹೆಣ್ಣಾನೆ ಸಾವು

ಮಡಿಕೇರಿ : ಸೋಲಾರ್ ಬೇಲಿಗೆ ಸಿಲುಕಿ ಹೆಣ್ಣು ಕಾಡಾನೆ ಸಾವನ್ನಪ್ಪಿರುವ ಘಟನೆ ಸೋಮವಾರಪೇಟೆಗೆ ಸಮೀಪದ ಅಬ್ಬೂರುಕಟ್ಟೆ ಬಳಿಯ ಕಾಡ್ನೂರು ಬಳಿ …

Leave a Reply

Your email address will not be published. Required fields are marked *

error: Content is protected !!