Monday , September 24 2018
ಕೇಳ್ರಪ್ಪೋ ಕೇಳಿ
Home / News NOW / ಬೆಂಗಳೂರಿನಲ್ಲೂ ಡೆಡ್ಲಿ ಬ್ಲೂ ವೇಲ್ ಗೇಮ್​ ಪತ್ತೆ : ಆಟದ ದಾಸರಾಗಿದ್ದರು ಇಬ್ಬರು ವಿದ್ಯಾರ್ಥಿಗಳು!

ಬೆಂಗಳೂರಿನಲ್ಲೂ ಡೆಡ್ಲಿ ಬ್ಲೂ ವೇಲ್ ಗೇಮ್​ ಪತ್ತೆ : ಆಟದ ದಾಸರಾಗಿದ್ದರು ಇಬ್ಬರು ವಿದ್ಯಾರ್ಥಿಗಳು!

ಬೆಂಗಳೂರು : ವಿಶ್ವದಾದ್ಯಂತ ಸದ್ದು ಮಾಡುತ್ತಿರುವ ಡೆಡ್ಲಿ ಬ್ಲೂ ವೇಲ್​ ಚಾಲೆಂಜ್​​ ಈಗ ಬೆಂಗಳೂರಿಗೂ ವಕ್ಕರಿಸಿದೆ. ಇಬ್ಬರು ವಿದ್ಯಾರ್ಥಿಗಳು ಈ ಆಟ ಆಡುತ್ತಿದ್ದ ವಿಷಯ ಈಗ ಬೆಳಕಿಗೆ ಬಂದಿದೆ. 50 ದಿನಗಳ ಈ ಚಾಲೆಂಜ್​​ನಲ್ಲಿ ಕೊನೆಗೆ ಆತ್ಮಹತ್ಯೆ ಮಾಡಿಕೊಳ್ಳುವ ಚಾಲೆಂಜ್ ಕೂಡಾ ಇದೆ. ಈಗ ಬೆಂಗಳೂರಿನಲ್ಲಿ ಇಬ್ಬರು ಕಾಮರ್ಸ್​ ವಿದ್ಯಾರ್ಥಿಗಳು ಈ ಆಟ ಆಡುತ್ತಿರುವುದು ಗೊತ್ತಾಗಿದೆ. ಇದು ಬೆಂಗಳೂರಿನಲ್ಲಿ ದಾಖಲಾಗಿರುವ ಪ್ರಥಮ ಬ್ಲೂ ವೇಲ್ ಕೇಸ್​ ಆಗಿದೆ.

ಬೆಂಗಳೂರಿನ ಪ್ರತಿಷ್ಠಿತ ಕಾಲೇಜಿನಲ್ಲಿ ಎರಡನೇ ವರ್ಷದ ಕಾಮರ್ಸ್​ ಓದುತ್ತಿರುವ 18 ಮತ್ತು 19 ವರ್ಷದ ಇಬ್ಬರು ವಿದ್ಯಾರ್ಥಿಗಳು ಈ ಆಟ ಆಡುತ್ತಿದ್ದ ವಿಷಯ ಬೆಳಕಿಗೆ ಬಂದಿದೆ. ಉಪನ್ಯಾಸಕರು ಈ ಇಬ್ಬರನ್ನು ಪತ್ತೆ ಮಾಡಿದ್ದಾರೆ. ತರಗತಿಗೆ ತಡವಾಗಿ ಬರುವುದು ಮತ್ತು ಎಡಮಣಿ ಗಟ್ಟಿನಲ್ಲಿ ವಿಲಕ್ಷಣ ಗಾಯಗಳನ್ನು ಕಂಡು ಉಪನ್ಯಾಸಕರು ಅನುಮಾನಗೊಂಡಿದ್ದರು. ಈ ಬಗ್ಗೆ ಪೊಲೀಸರು ಕೂಡಾ ತನಿಖೆ ನಡೆಸುತ್ತಿದ್ದಾರೆ. ಇನ್ನು, ಇದರಲ್ಲಿ ಓರ್ವ ಹುಡುಗನ ವಾಟ್​​​ಅಪ್​ ಸ್ಟೇಟಸ್​ನಲ್ಲಿ ಬ್ಲೂವೇಲ್​​ ಗೇಮ್​ನ ಇಮೇಜ್​ನೊಂದಿಗೆ ‘ಐ ಯಾಮ್​ ಆನ್​ ದಿ ವೇ’ ಎಂದು ಬರೆಯಲಾಗಿತ್ತು.

ಈ ಇಬ್ಬರು ವಿದ್ಯಾರ್ಥಿಗಳ ಬಗ್ಗೆ ಸಹಪಾಠಿಗಳಿಗೆ ಅನುಮಾನ ಬಂದ ಬಳಿಕ ತಕ್ಷಣ ಈ ವಿಷಯವನ್ನು ಪ್ರಾಂಶುಪಾಲರಿಗೆ ತಿಳಿಸಿದ್ದರು. ಪ್ರಾಂಶುಪಾಲರು ಪೊಲೀಸರಿಗೆ ಮಾಹಿತಿ ನೀಡಿದ್ದರು.

Read Also : ಬ್ಲೂವೇಲ್​ ಗೇಮ್​ನಿಂದ ಮಕ್ಕಳನ್ನು ರಕ್ಷಿಸುವುದು ಹೇಗೆ…? : ಇಲ್ಲಿವೆ ಪಂಚಸೂತ್ರಗಳು

About sudina

Check Also

ಬಂಟ್ವಾಳ : ವಿವಿಧ ಸುದ್ದಿಗಳ ಒಂದು ನೋಟ

ಸೋಣ ಅಮಾವಾಸ್ಯೆ ತೀರ್ಥಸ್ನಾನ : ಭೂಲೋಕದ ಕೈಲಾಸವೆಂದೇ ಪ್ರಖ್ಯಾತವಾದ ನರಹರಿ ಪರ್ವತದಲ್ಲಿ ಸೆಪ್ಟೆಂಬರ್ 9ರ ಭಾನುವಾರ ಬೆಳಗ್ಗೆ 5 ಗಂಟೆಯಿಂದ …

Leave a Reply

Your email address will not be published. Required fields are marked *

error: Content is protected !!