Tuesday , November 20 2018
ಕೇಳ್ರಪ್ಪೋ ಕೇಳಿ
Home / Film News / 61 ವರ್ಷ ಹಿಂದಿನ ಸೀರೆಯುಟ್ಟು ಪ್ರಶಸ್ತಿ ಸ್ವೀಕರಿಸಿದ ರಶ್ಮಿಕಾ…!

61 ವರ್ಷ ಹಿಂದಿನ ಸೀರೆಯುಟ್ಟು ಪ್ರಶಸ್ತಿ ಸ್ವೀಕರಿಸಿದ ರಶ್ಮಿಕಾ…!

ಬೆಂಗಳೂರು : ಕಿರಿಕ್ ಪಾರ್ಟಿ ಸುಂದರಿ ರಶ್ಮಿಕಾ ಮಂದಣ್ಣ ಈಗ ಖುಷಿಯಲ್ಲಿದ್ದಾರೆ. ಚಿತ್ರರಂಗದಲ್ಲಿ ಸಾಧನೆಯ ಮೆಟ್ಟಿಲೇರುತ್ತಿರುವ ಈ ಕೊಡಗಿನ ಕುವರಿ ಇತ್ತೀಚೆಗಷ್ಟೇ ಬೆಂಗಳೂರು ಟೈಮ್ಸ್‍ನ `ಮೋಸ್ಟ್ ಡಿಸೈರೆಬಲ್ ವುಮೆನ್’ ಪ್ರಶಸ್ತಿಯನ್ನು ಪಡೆದು ಬೀಗಿದ್ದರು. ಈಗ ಕನ್ನಡದ ಮನೋರಂಜನಾ ವಾಹಿನಿ ಝೀ ಕನ್ನಡದ `ಹೆಮ್ಮೆಯ ಕನ್ನಡಿಗ’ ಪ್ರಶಸ್ತಿಯನ್ನು ರಶ್ಮಿಕಾ ಮುಡಿಗೇರಿಸಿಕೊಂಡಿದ್ದಾರೆ. ಈ ಪ್ರಶಸ್ತಿ ಸ್ವೀಕರಿಸಲು ಬಂದಿದ್ದ ರಶ್ಮಿಕಾ ಅಪ್ಪಟ ಕೊಡವತಿಯಂತೆ ಸೀರೆಯುಟ್ಟು ಮಿರಮಿರ ಮಿಂಚುತ್ತಿದ್ದರು. ಆದರೆ, ರಶ್ಮಿಕಾ ತೊಟ್ಟಿದ್ದ ಈ ಕೆಂಪು ಸೇರಿ ಮಂದಣ್ಣ ಪಾಲಿಗೆ ಬರೀ ಸೀರೆಯಲ್ಲ… ಅದೊಂದು ಭಾವನಾತ್ಮಕ ಬೆಸುಗೆ… ಯಾಕೆಂದರೆ, ಈ ಸೀರೆಗೆ ಅದರದ್ದೇ ಹಿನ್ನೆಲೆ ಮತ್ತು ಮಹತ್ವ ಇದೆ…

61 ವರ್ಷ ಹಿಂದಿನ ಸೀರೆ…! : ರಶ್ಮಿಕಾ ತೊಟ್ಟಿದ್ದ ಈ ಕೆಂಬಣ್ಣದ ಸೀರೆ ಈಗಿನದ್ದಲ್ಲ… ಅದಕ್ಕೆ 61 ವರ್ಷವಾಗಿದೆ. ರಶ್ಮಿಕಾ ಅಜ್ಜಿ ತನ್ನ ಮದುವೆಯ ಸಂದರ್ಭದಲ್ಲಿ ಉಟ್ಟಿದ್ದ ಸೀರೆಇದು. ಇದಾದ ಬಳಿಕ ಈ ಸೀರೆ ರಶ್ಮಿಕಾ ತಾಯಿಗೆ ಬಂದಿದೆ. ತಾಯಿ ಬಳಿಕ ಮಗಳು ರಶ್ಮಿಕಾ ಬಳಿ ಈ ಸೀರೆ ಇದೆ…! ಈ ಸೀರೆಯ ಬಗ್ಗೆ ರಶ್ಮಿಕಾ ತನ್ನ ಫೇಸ್‍ಬುಕ್ ಪೇಜ್‍ನಲ್ಲಿ ಬರೆದುಕೊಂಡಿದ್ದಾರೆ. ಜೊತೆಗೆ, ಈ ಸೀರೆಯಿಂದ ನನಗೆ ಸದಾ ಒಳಿತಾಗಿದೆ ಎಂದೂ ಹೇಳಿಕೊಂಡಿದ್ದಾರೆ. ಅಜ್ಜಿ ತುಂಬಾ ಧೈರ್ಯವಂತ ಮಹಿಳೆ. ಅವರೇ ನನಗೆ ಸ್ಫೂರ್ತಿ ಎಂಬುದು ರಶ್ಮಿಕಾ ಖುಷಿಯ ಮಾತು.

About sudina

Check Also

ಕಾಂಪ್ರಮೈಸ್ ಪ್ರಶ್ನೆಯೇ ಇಲ್ಲ : ಅರ್ಜುನ್ – ಕ್ಷಮೆ ಕೇಳೋಲ್ಲ : ಶ್ರುತಿ…

ಬೆಂಗಳೂರು : ಸ್ಯಾಂಡಲ್‍ವುಡ್‍ನಲ್ಲಿ ಎದ್ದಿರುವ ಮೀ ಟೂ ಬಿರುಗಾಳಿ ಸದ್ಯಕ್ಕೆ ತಣ್ಣಗಾಗುವ ಲಕ್ಷಣ ಕಾಣುತ್ತಿಲ್ಲ. ಆ್ಯಕ್ಷನ್ ಕಿಂಗ್ ಅರ್ಜುನ್ ಸರ್ಜಾ …

Leave a Reply

Your email address will not be published. Required fields are marked *

error: Content is protected !!